Ijtimoiy tarmoqlarda Toshkentda havo ifloslanishi darajasi bo‘yicha bugun jahonda yuqori o‘rinda qayd etilgani haqida xabarlar tarqaldi.

Mutaxassislarga ko‘ra, bulduruq hodisasi ham atmosfera havosi ifloslanish darajasi yuqori bo‘lishini ta’minlaydi.

Havodagi suv bug‘larining kristal holatga o‘tishi bulduruqni, bulduruq esa havo ifloslanish darajasini ro‘yxatga oluvchi statsionar post datchik ob’yektidagi aks nurga uriladi. Mazkur jarayon ham go‘yoki ifloslanish darajasini oshiradi.

«O‘zgidromet» hodisaga rasmiy munosabat bildirib, bu inson salomatligi uchun xavfli emasligini bildirdi.

Toshkentda 23 yanvarga o‘tar kechasi qalin tuman va «bulduruq» hodisasi kuzatilgan.

O‘zgidromet statsionar postlarida bugun erta tong va kunning birinchi yarmida havoni ifloslantiruvchi va bevosita inson salomatligiga xavf tug‘diruvchi moddalar miqdori ruxsat etilgan me’yoriy ko‘rsatkichlardan ortmagani qayd etiladi.