Ob-havo sharoiti hamda harakat yoʻnalishi boʻylab avtomobil yoʻllaridagi mavjud vaziyatdan kelib chiqib, 19-yanvardan Oʻzbekiston Respublikasidan xalqaro yoʻnalishlarda amalga oshiriluvchi muntazam avtobus qatnovlari qayta tiklanadi.

Transport vazirligi 19-yanvar, dushanba kuni “Toshkent” avtovokzalidan xalqaro yoʻnalishlarda amalga oshiriluvchi avtobus qatnovlari roʻyxatini taqdim etdi:

12:00 | Toshkent – Moskva (chipta narxi 1 011 000 soʻm);

16:00 | Toshkent – Olmaota (chipta narxi 200 000 soʻm);

16:00 | Toshkent – Ostona (chipta narxi 361 000 soʻm);

17:00 | Toshkent – Turkiston (chipta narxi 111 000 soʻm);

18:00 | Toshkent – Qiziloʻrda (chipta narxi 161 000 soʻm);

18:00 | Toshkent – Olmaota (chipta narxi 200 000 soʻm);

18:00 | Toshkent – Bishkek (chipta narxi 261 000 soʻm).

Qattiq sovuq sabab Qozogʻiston yoʻllarida avtobusda qolib ketgan oʻzbekistonliklar qutqarilishi bilan bogʻliq bir nechta holatlardan keyin, Oʻzbekistondan xalqaro avtobus qatnovlari 13-yanvardan boshlab vaqtincha toʻxtatilgandi.