IIV Kiberxavfsizlik xizmati fuqarolarni internet firibgarlarining tuzogʻidan ogohlantirdi.

“Telegram messenjeri orqali turli kanal va guruhlarda takroran, lekin boshqa zararli havola orqali Oʻzbekiston Respublikasi Prezidentining rasmiy veb-sayti koʻrinishidan foydalanib tarqatilayotgan “Salom alaykum. Oʻzbekiston Prezidentidan toʻlov oldingizmi? Hozir oling 1.250.000 soʻm” mazmunidagi xabarlar kelsa, aslo ularga ishonmang. Ushbu xabarlar yolgʻon. Ehtiyot boʻling firibgarlarning tuzogʻiga tushib qolmang”, — deyiladi Kiberxavfsizlik xizmati xabarida.

Firibgarlar tuzoqqa tushgan fuqaro orqali telegram messenjerida havolani boshqalarga tarqatishga urinayotgani ham qoʻshimcha qilingan.