2022-yilda 12 045 nafar ziyoratchi Haj amallarini, 61 mingdan ortiq ziyoratchi esa Umra amallarini ado etdi. Bu haqda AOKAda oʻtkazilgan brifingda Din ishlar boʻyicha qoʻmita boʻlim boshligʻi Sirojiddin Salomov maʼlum qildi.

“Fuqarolarimizning muqaddas ziyoratga boʻlgan ehtiyojlarini toʻlaqonli qondirish maqsadida Jamoatchilik kengashi qarori asosida Haj va Umra safarlarini tashkil etish yangi bosqichga koʻtarildi”, — dedi Sirojiddin Salomov.

Uning taʼkidlashicha, oʻtgan yilda Umra safariga boruvchi ziyoratchilar sonini belgilash boʻyicha kvota olib tashlangan, natijada respublikaning ayrim hududlarida navbatlar tugatilgan, baʼzilarida esa navbatlarining sezilarli darajada kamayishiga erishilgan.