11-yanvar kuni Toshkent, Samarqand, Jizzax, Sirdaryo, Surxondaryo viloyatlari va Fargʻona vodiysi viloyatlarida baʼzi joylarda biroz qor yogʻadi.

Respublikaning qolgan hududlarida yogʻingarchilik kutilmaydi. Baʼzi joylarga tuman tushishi mumkin. Yoʻllarda yaxmalak yuzaga keladi. Shamol 7-12 m/s tezlikda esadi, baʼzi joylarda 17-22 m/s gacha kuchayishi mumkin, Surxondaryo, Fargʻona viloyatlarida ayrim joylarida baʼzida 23-25 m/s gacha kuchayishi mumkin. Harorat -5-10, baʼzi joylarda -17 darajagacha pastlaydi.

Toshkent shahrida kechga tomon biroz qor yogʻishi, tuman tushishi mumkin. Yoʻllarda yaxmalak yuzaga keladi. Shamol shimoli-sharqdan 3-8 m/s tezlikda esadi. Harorat -7-9 daraja boʻlishi kutilmoqda.

Togʻ oldi va togʻli hududlarda qor yogʻadi, tuman tushadi. Yoʻllarda yaxmalak yuzaga keladi. Shamol 7-12 m/s tezlikda esadi, baʼzi joylarda 17-22 m/s gacha kuchayishi mumkin, ayrim joylarida baʼzida 23-25 m/s gacha kuchayishi mumkin. Harorat -10-15 daraja sovuq boʻladi.

Avvalroq ushbu haftaning oxirigacha anomal (gʻayritabiiy) sovuq ob-havo saqlanib turishi maʼlum qilingandi.