Oʻzbekiston prezidentining spichrayting xizmatida yangi tayinlovlar amalga oshirildi.

Ulugʻbek Ibodinov Prezident administratsiyasining spichrayter xizmati yetakchi konsultantiga aylandi. Ushbu lavozimga tayinlangunga qadar u “Mahalla” gazetasida boʻlim mudiri lavozimida ishlagan.

“Kun.uz” nashri, shuningdek, Oʻzbekiston jurnalistlari uyushmasi raisi Olimjon Oʻsarov ham spichrayterlar guruhiga qabul qilinganini yozmoqda.

Dekabr oyi oxirida Murtazo Qarshiboyev prezident spichrayterining oʻrinbosari etib tayinlangandi. U bungacha administratsiyada shuʼba mudiri boʻlgan.

Davlat rahbarining spichrayteri Xayriddin Sultonov prezident maslahatchisi hisoblanadi, yozuvchi bu lavozimda uzoq yillardan beri ishlab kelmoqda.