FVV ijtimoiy tarmoqlarda Buxoro viloyatida koʻp qavatli uy qulagani haqidagi maʼlumot yuzasidan rasmiy munosabat bildirdi.

"Bugun, 29-dekabr kuni ijtimoiy tarmoqlarning birida Buxoro shahri Nizomiy koʻchasidagi endokrinologiya shifoxonasi yonida 7 qavatli bino qulab tushgani haqida xabarlar tarqaldi. Zudlik bilan aytilgan manzilga ixtisoslashgan tashkilotlar mutaxassislari yetib bordi. Oʻrganish davomida tarqatilgan maʼlumotlar haqiqatga toʻgʻri kelmasligi maʼlum boʻldi.

Aslida vaziyat shunday boʻlgan, 27-dekabr kuni Ibn Sino koʻchasida qurilayotgan 7 qavatli uyning 7-qavati oraliq qismida boʻlgan 3 dona beton plita qulab tushgan. Hodisa oqibatida tan jarohati olgan va halok boʻlganlar yoʻq" deyiladi rasmiy xabarda.