Oʻzbekistonda 2022-yilning 11 oyida hududlar boʻyicha tashqi savdo aylanmasi boʻyicha maʼlumot berildi. Toshkent shahri yetakchilik qilmoqda.

Davlat statistika qoʻmitasining maʼlumotlariga koʻra, 2022-yilning yanvar-noyabr oylarida Oʻzbekistonning tashqi savdo aylanmasi 44,9 milliard dollarga yetgan. Bu koʻrsatkich 2021-yilning mos davriga nisbata 18 foizga oshgan.

Oʻzbekiston bilan tashqi savdo aylanmasi eng yuqori ulushga davlat Rossiya, Xitoy va Qozogʻiston davlatlari boʻldi. Tashqi savdo aylanmasining eng katta hajmi 2021-yilning fevral oyida qayd etilib, 5,2 milliard dollarni tashkil qilgan.

Shuningdek, Respublikaning hududlar kesimida tashqi savdo aylanmasi quyidagicha:

Qoraqalpogʻiston — 550,4 million dollar;

Andijon — 3,8 milliard dollar;

Buxoro — 1, 09 milliard dollar;

Jizzax — 628 million dollar;

Qashqadaryo — 499,5 million dollar;

Navoiy — 1,1 milliard dollar;

Namangan — 1,1 milliard dollar;

Samarqand — 2,1 milliard dollar;

Surxondaryo — 344 million dollar;

Sirdaryo — 732 million dollar;

Toshkent — 5 milliard dollar;

Fargʻona — 1,9 milliard dollar;

Xorazm — 732,8 million dollar;

Toshkent shahri — 17,6 milliard dollar.

Mamlakat tashqi savdo ulushida eng yuqori ulushni Toshkent shahri 39,2 foiz bilan egallagan boʻlsa, eng past natijani Surxondaryo viloyati 0,8 foiz band qilgan.