Isaqov Hojiqo‘zijon Qosimjonovich Bag‘dod tumani hokimi etib tayinlandi. Farg'ona viloyati hokimi Xayrullo Bozorov tomonidan taqdim etilgan Isaqov Hojiqo‘zijon Qosimjonovich nomzodi tuman deputatlari tomonidan yakdillik bilan qo‘llab-quvvatlandi.

Tayinlovga qadar u Farg‘ona viloyati 426-xo‘jaliklararo ixtisoslashgan ko‘chma mexanizmlar kolonnasi mas’uliyati cheklangan jamiyati boshlig‘i bo‘lib ishlab kelgan.

U avvalroq viloyat hokimining qurilish bo‘yicha o‘rinbosari bo‘lgan, 2025-yil boshida ishdan olingandi.