Davlat statistika qoʻmitasi maʼlumotlariga koʻra, 2022-yilning 1-noyabr holatiga 4,4 mln. nafar Oʻzbekiston Respublikasi fuqarolari turistik maqsadlarda xorijga safar qilgan.

Oʻzbekistonliklar turistik maqsadlarda eng koʻp safar qilgan davlatlar orasida Qirgʻiziston katta farq bilan yetakchilik qilmoqda. 2151,8 ming nafar oʻzbekistonlik qoʻshni davlatga chiqib kelgani keltirilgan.

Ortda qolgan vaqt mobaynida Qozogʻistonga — 870,0 ming nafar, Tojikistonga esa 615,2 ming nafar oʻzbekistonlik safar qilgan. Sayohat uchun Turkiya variantini tanlaganlar esa 264,0 ming nafarni tashkil etgan.

Oʻzbekistonliklar turistik maqsadlarda eng koʻp safar qilgan davlatlar:

Qirgʻiz R. – 2151,8 ming nafar;

Qozogʻiston – 870,0 ming nafar;

Tojikiston – 615,2 ming nafar;

Turkiya – 264,0 ming nafar;

Rossiya – 210,3 ming nafar;

BAA – 98,0 ming nafar;

Saudiya Arabistoni – 54,7 ming nafar;

Misr – 31,9 ming nafar;

Janubiy Koreya – 19,2 ming nafar;

AQSH – 13,9 ming nafar;

Hindiston – 8,5 ming nafar;

Gruziya – 7,8 ming nafar.