Toshkent shahar Yakkasaroy, Shayxontohur va Chilonzor tumanlarining ayrim hududlarida issiq suv taʼminoti cheklanmagan holda issiqlik taʼminoti vaqtincha toʻxtatildi. Bu haqda Veolia Energy Tashkent matbuot xizmati xabar berdi.

Qayd etilishicha, 28-noyabr kuni ToshIEM hududidagi Du-300 millimetrli issiqlik quvurida taʼmirlash ishlari olib borilmoqda. Shu munosabat bilan quyidagi manzillarda issiq suv taʼminoti cheklanmagan holda issiqlik taʼminoti vaqtincha toʻxtatilgan:

– Yakkasaroy tumanida Bobur, Shota Rustavelli, Shoh Jahon, Muqumiy, Rakat, Oʻrikzor, Askiya, Hazina bogʻ, Chopon ota koʻchalari;
– Shayxontohur tumanida Oqtepa mavzesi, Oqtepa mikrohudud va Nurafshon, Gulxaniy, Yesenina koʻchalari;
– Chilonzor tumanida Muqumiy, Choponota koʻchalari va 1,2,3,4,5,I,Ye mazelari;

Issiqlik taʼminoti 28-noyabr kuni taxminan 22:00 da tiklanadi.

Veolia Energy Tashkent  MCHJ XK noqulayliklar uchun uzr soʻragan va issiqlik taʼminoti tiklanishi uchun barcha choralarni koʻrishini maʼlum qilgan.