“Isteʼmol bozorlarida narxlar barqarorligini taʼminlashga doir qoʻshimcha chora-tadbirlar toʻgʻrisida”gi Prezident farmoni qabul qilindi. Bu haqida Telegramʻdagi “Huquqiy axborot” kanali xabar berdi.

Farmonga koʻra, Prezidentning 2022-yil may oxiridagi farmonida keltirilgan tovarlarga, jumladan, baliq, yangi yoki quritilgan sitrus mevalari (limondan tashqari), margarin va boshqaga import bojxona bojining nol stavkasi qoʻllanish muddati 2023-yil 1-iyulgacha uzaytirilib, mazkur roʻyxatga bugʻdoy uni yoki bugʻdoy-javdar uni ham kiritilgan.