Dam olish kunlari Oʻzbekiston hududining katta qismida quruq va kam bulutli ob-havo boʻlishi kutilmoqda.
 

“Oʻzgidromet” xabariga koʻra, havo harorati kechalari 0-5 daraja iliq, baʼzi joylarda 2 daraja sovuqqacha, kunduz kunlari 9-14 daraja iliq boʻladi.

Yakshanba kuni kechga tomon respublikaning shimoliy hududlariga Volgaboʻyi hududlaridan bulutli massivlar kirib kelishi kutilmoqda. 

Oʻzbekiston boʻyicha yogʻingarchilik kutilmaydi, faqat Qoraqalpogʻiston Respublikasida kechga tomon baʼzi joylarda yomgʻir yogʻadi. 

Shimolda va choʻl hududlarda shamol 17-22 m/s gacha kuchayishi kutilmoqda. Respublika boʻyicha baʼzi joylarga kechasi va ertalab tuman tushishi mumkin.