Qozogʻiston hukumati fuqarolikni olish uchun talablarni kuchaytirishni rejalashtirmoqda. Bu haqda respublika Bosh vaziri Alixon Smoilov Rossiya fuqarolarining mamlakatga koʻp miqdorda kirib kelishi bilan bogʻliq vaziyatdan xavotirlangan deputatlarning soʻroviga javoban maʼlum qildi.

“Hozirda “Qozogʻiston Respublikasi fuqaroligi toʻgʻrisida”gi qonunga fuqarolikka qabul qilishni rad etish va qayta tiklash uchun qoʻshimcha asos sifatida davlat tili, tarix va milliy qonunchilik asoslarini bilmaslikni nazarda tutuvchi, shuningdek, ikki fuqarolik faktlarining oldini olishga qaratilgan oʻzgartirishlar ishlab chiqildi”, deydi Bosh vazir.

Deputatlar soʻrovida migrantlarning ikki fuqaroligini tekshirish va bu borada qonuniy choralar koʻrish yuzasidan savollar koʻtarilgan edi.