“Oʻzgidromet” haftaning birinchi qismida kuzatiladigan ob-havo prognozini eʼlon qildi.

8-noyabrdan Oʻzbekistonning barcha hududlariga sovuq havo massasi asta-sekin kirib keladi. Respublikaning katta qismida yomgʻir yogʻadi, Buxoro, Navoiy viloyatlarining ayrim tumanlarida baʼzi joylarda biroz yogʻingarchilik boʻlishi mumkin.

Qoraqalpogʻiston Respublikasi va Xorazm viloyatida yogʻingarchilik kutilmaydi. Respublika boʻyicha kunduzgi harorat +5+8 iliqni tashkil etadi, bu — ushbu kunning oʻrtacha iqlim qiymatlaridan 8-10 darajaga pastdir.

9-11-noyabr kunlari esa Oʻzbekiston boʻyicha yogʻingarchilik kutilmaydi. Sovuq havo massalari kirib kelishi natijasida harorat kechalari 0+2 sovuqgacha pasayadi, kunduz kunlari asta-sekin isiydi.

Haftaning oxiriga kelib harorat +10+14 iliq atrofida va meʼyorga yaqin boʻladi.

Oʻz navbatida, 7-8-noyabr kunlari kuchli yomgʻir yogʻishi hisobiga Oʻzbekistonning togʻ oldi va togʻli hududlarida sel kelishi xavfi bor. Kechasi va ertalab baʼzi joylarga tuman tushishi mumkin.