2022-yilning 7-noyabrdan 19-noyabr kuniga qadar tumandagi Oʻzbekiston milliy universiteti hamda Toshkent davlat texnika universiteti hududiga kiruvchi asosiy yoʻlda 64 metr balandlikdagi Oʻzbekiston Respublikasi Davlat bayrogʻi oʻrnatilishi munosabati bilan avtomobillar harakati vaqtincha toʻxtatiladi. Bu haqida Olmazor tumani hokimligi xabar berdi.

Haydovchilarga tumandagi Mirzo Gʻolib hamda Talabalar koʻchalari orqali harakatlanish tavsiya etiladi. Piyodalar uchun esa harakatlanish cheklanmagan.