Oʻzbekiston Respublikasi Yoshlar ishlari agentligi, Oʻzbekiston Istanbul Bosh konsulxonasi bilan hamkorlikda Oʻzbekiston yoshlari umumjahon assotsiatsiyasi Turkiya vakilligi tomonidan 29 oktabr shanba kuni Turkiyaning Istanbul shahrida “Jadidlar haftaligi” forumi oʻtkaziladi.

Mazkur tadbirda Turkiyadagi barcha oʻzbekistonlik yoshlar ishtirok etishi mumkin.

Tadbir doirasida quyidagilarni oʻtkazish rejalashtirilgan:

— Jadidlarga bagʻishlangan ilmiy-amaliy simpozium;

— Qiziqarli loyihalar, tanlovlar, aksiyalar va taqdimotlar;

— Turkiyadagi talaba-yoshlar oʻrtasida “Zakovat” intellektual oʻyini;

— Badiiy chiqishlar va film namoyishi hamda yoshlar uchrashuvlari.