Issiqxonalarni gaz taʼminotidan uzish holati boʻyicha tadbirkorlarning noroziligidan xabar topgan Shavkat Mirziyoyev zudlik bilan mazkur masalani koʻrib chiqish uchun Administratsiya rahbari Sardor Umurzoqovga tegishli topshiriq berdi, deb yozmoqda OʻzA.

Administratsiya rahbari boshchiligida oʻtgan majlisda issiqxonalarni tabiiy gaz taʼminotidan ogohlantirishsiz uzish holatlari boʻyicha juda koʻp eʼtirozlar bildirilayotgani, xususan 25-oktyabr kuni respublikaning turli hududlaridan issiqxonalari gazdan uzilgan tadbirkorlar norozilik bildirib, Toshkentda toʻplangani boʻyicha tegishli masʼullar qattiq tanqid ostiga olindi.

Jumladan, Vazirlar Mahkamasi va Qishloq xoʻjaligi vazirligi mutasaddi rahbarlarining ushbu masala bilan umuman shugʻullanmagani uchun, tadbirkorlarning muammolariga yechim topmagani uchun ular Prezident Administratsiyasiga kelayotgani aytilgan.