Ayni kunlarda Islandiyada shaxmat boʻyicha “World Fischer Random Chess Championship” jahon chempionati oʻtkazilmoqda.

Oʻzbekiston Sportni rivojlantirish vazirligining xabar berishicha, grossmeyster Nodirbek Abdusattorov Nodirbek Abdusattorov 3 va 4-turda mezbonlar vakili, islandiyalik Xyyorvar Steyn Gretarssonga qarshi dona surgan va har ikkala partiyada ham gʻalaba qozongan.

Shu tariqa, Nodirbek oʻz hisobidagi ochkolar sonini 8 taga yetkazib oldi va guruh bosqichi yakunlanishiga 2 tur qolganda yarim final masalasini hal qildi. Bugun shaxmatchimiz 5-turda Yan Nepomnyashiyga qarshi ikkita oʻyin oʻtkazsa, 6-turda amerikalik Uesli So bilan oʻyin kutmoqda.