Oʻtkir Hoshimovning turmush oʻrtogʻi Oʻlmasxon Hoshimova vafot etdi. Bu haqda Oʻzbekiston Yozuvchilar uyushmasi axborot xizmati xabar berdi.

“Yozuvchilar uyushmasi jamoasi Oʻtkir Hoshimovning umr yoʻldoshi Oʻlmasxon ayaning vafoti munosabati bilan uning oila aʼzolari va yaqinlariga chuqur hamdardlik bildiradi.

Marhum bugun (27-oktabr) peshinda yashagan xonadonidan chiqariladi”, — deyiladi xabarda.

Oʻlmasxon Hoshimova xalq maorifi aʼlochisi, I darajali “Mehnat faxriysi” koʻkrak nishoni, “Fidokorona xizmatlari uchun” ordeni sohibasi edi.

Maʼlumot uchun, Oʻtkir Hoshimov bundan 9 yil avval, 2013-yilda hayotdan koʻz yumgandi.