Aholisining oʻrtacha yoshi eng katta boʻlgan hududlar maʼlum qilindi. Bu haqda Davlat statistika qoʻmitasi xabar berdi.

Qayd etilishicha, 2022-yilning 1-yanvar holatiga koʻra Yakkasaroy tumani Oʻzbekiston Respublikasida doimiy aholining oʻrtacha yoshi eng katta boʻlgan hudud hisoblanadi. Toshkent shahridagi ushbu tumanda doimiy yashovchi fuqarolarning oʻrtacha yoshi 36,8 ni tashkil etadi.

Yakkasaroy tumani – 36,8 yosh;
Mirzo Ulugʻbek tumani – 34,6 yosh;
Mirobod tumani – 34,4 yosh;
Chipchiq shahri – 34,1 yosh;
Yunusobod tumani – 33,4 yosh;
Yashnobod tumani – 33,2 yosh;
Chilonzor tumani – 32,8 yosh;
Buxoro shahri – 32,7 yosh;
Tomdi tumani – 32,2 yosh;
Nurafshon shahri – 32,2 yosh.

2022-yilning 1-yanvar holatiga koʻra Oʻzbekiston Respublikasida doimiy aholining oʻrtacha umr koʻrish davomiyligi 73,8 yoshni tashkil etdi.