2022/2023-oʻquv yili uchun kollej va texnikumlarning toʻlov-kontrakti miqdori oʻtgan yilda belgilanganidek saqlab qolinadigan boʻldi. Bu haqda Oliy va oʻrta maxsus taʼlim vazirligi xabar berdi.

Qayd etilishicha, mazkur tartib barcha bosqich oʻquvchilariga tegishli.

Maʼlumot uchun, bu yili kollej va texnikumlarning kunduzgi taʼlim shakliga 15 ming 815 nafar oʻquvchi davlat granti asosida qabul qilindi.

Shuningdek, professional taʼlim muassasalariga ota-ona qaramogʻidan mahrum boʻlgan oʻquvchilar hamda ijtimoiy himoyaga muhtoj oila farzandlari belgilangan tartibda qabul parametrlaridan tashqari qoʻshimcha davlat granti asosida qabul qilinadi.