Oʻrta asrlarga tegishli zardushtiylik dini ibodatxonasidan topilgan buyumlar haqida maʼlum qilindi.

Oqqoʻrgʻon tumanida joylashgan Qanqatepa yodgorligida arxeologlar tomonidan qazishma ishlari olib borilmoqda. Milliy arxeologiya markazi katta ilmiy xodimi Sanʼat Kubayev oʻrta asrlarga tegishli zardushtiylik dini ibodatxonasidan topilgan topilmalari haqida maʼlum qildi.

Qazilma vaqtida zardushtiylik diniga tegishli sopol idish boʻlaklari, tangalar va shunga oʻxshash bir qancha buyumlar topilgan. Hozirgi vaqtda ibodatxonaning kirish qismida qazilma ishlari olib borilmoqda.