Yil boshidan beri Oʻzbekistonda eng koʻp Cobalt avtomobili ishlab chiqarilgani maʼlum boʻldi. Bu haqda Davlat statistika qoʻmitasi xabar berdi.

Qayd etilishicha, 2022-yilning yanvar—sentabr oylarida 229 806 ta yengil avtomobil ishlab chiqarilgan. Shundan 69 816 dona Cobalt hissasiga toʻgʻri keladi. Keyingi oʻrinlardan Lacetti-Gentra (64 074) va Damas (52 673) oʻrin olgan.

Yanvardan buyon avtomobil sanoatida ishlab chiqarilgan mashinalar soni:

Cobalt — 69 816 dona;

Lacetti-Gentra — 64 074 dona;

Damas — 52 673 dona;

Nexia T-250 — 17 735 dona;

Spark — 11 119 dona;

Maxsus yengil avtomobillar — 14 389 dona.

Sentabrda Cobalt avtomobilini ishlab chiqarish hajmida oʻsish kuzatilgan — 9,1 ming dona. Avgustda esa bu koʻrsatkich 7,7 mingtaga teng edi.