Prezident Shavkat Mirziyoyevning tegishli qarorlari bilan bir vazir va ikki qoʻmita raisi oʻrinbosarlari egallab turgan lavozimidan ozod etildi.

Azizbek Latifjonov boshqa ishga oʻtishi munosabati bilan Favqulodda vaziyatlar vazirining oʻrinbosari lavozimidan;

Sirojiddin Berdiqulov boshqa ishga oʻtishi munosabati bilan Veterinariya va chorvachilikni rivojlantirish davlat qoʻmitasi raisining birinchi oʻrinbosari lavozimidan;

Bekzod Ummatov boshqa ishga oʻtishi munosabati bilan Monopoliyaga qarshi kurashish qoʻmitasi raisining oʻrinbosari lavozimidan ozod etildi.

Avvalroq Suv xoʻjaligi vazirining oʻrinbosari lavozimida faoliyat yuritgan Akmal Mirzayev Sardoba tumani hokimi etib tayinlangandi.