11-15-oktabr kunlari Sirdaryo viloyatida “Yangi Oʻzbekistonda el aziz, inson aziz” shiori ostida turli maʼnaviy-maʼrifiy tadbirlar hamda “Maʼnaviyat festivali” oʻtkazilishi belgilangan.

Shu maqsadda 150 nafarga yaqin shoir va yozuvchilar, sanʼatkorlar, kino arboblari, ziyolilar, olimlar, “Maʼrifat” targʻibotchilar jamiyati aʼzolari bilan birgalikda Sirdaryo viloyatining barcha tumanlarida turli konsert, badiiy kechalar, davra suhbatlari oʻtkazilmoqda.

Ayni vaqtga qadar Maʼnaviyat karvoni Mirzaobod hamda Sirdaryo tumanlarida boʻlib, madaniyat markazi va harbiy qismda belgilangan tadbirlarni koʻtarinki ruhda oʻtkazishdi.