Turizm va madaniy meros vazirligi, Fargʻona viloyati hokimligi, Respublika “Hunarmand” uyushmasi va boshqa tashkilotlar tashabbusi bilan 16-22 oktyabr kunlari Margʻilon shahrida xalqaro “Atlas bayrami” V anʼanaviy toʻqimachilik festivali oʻtkaziladi. 

Madaniy meros agentligining xabariga ko'ra, ushbu festivalda 20 ta davlatdan 62 nafar mutaxassis ishtirok etishi kutilmoqda.



Festival davomida anʼanaviy toʻqimachilik va liboslar dizayni boʻyicha oʻquv mashgʻulotlari, xalq sayli, askiya va katta ashula ijrochiligi, kurash musobaqasi, dorbozlik, qoʻgʻirchoqbozlik va anʼanaviy hunarmandchilik buyumlari namoyishi boʻlib oʻtishi rejalashtirilgan.