Toshkent shahrining Chilonzor va Shayxontohur tumanlarining baʼzi joylarida 11-oktyabr kuni gaz taʼminoti vaqtincha toʻxtatildi. Bu haqda “Hududgaz Poytaxt” xabar berdi.

Qayd etilishicha, Chilonzor tumani Olmazor koʻchasida joylashgan gaz quvurini xavfsiz joyga koʻchirish ishlari rejalashtirilgan. Shu sababli 11 oktabr kuni soat 10:00 dan 18:00 ga qadar “Katta olmazor”, “Beshyogʻoch” mahallalarida, Shayxontohur tumani, Alisher Navoiy koʻchasidagi 380 ta koʻp qavatli xonadonlarda hamda ushbu manzillardagi 17 ta ulgurji tashkilotlarda gaz taʼminoti vaqtinchalik toʻxtatiladi.

Shundan:

• Davlat tashkiloti-5 ta
• Sport majmuasi-4 ta
• Umumiy ovqatlanish shoxobchasi-4 ta
• Nonvoyxona-3 ta
• Savdo majmuasi-1 ta.

“Hududgaz Poytaxt” gaz taʼminoti filiali taʼmirlash ishlari tufayli yetkazilayotgan noqulayliklar uchun tabiiy gaz isteʼmolchilardan uzr soʻraydi.