Xalq deputatlari Toshkentda avtomobil tezligini kamaytirish boʻyicha tegishli qaror qabul qildi.

Sentabr oyi oxirida Shahar kengashi doimiy komissiyasi Toshkent shahrida Kichik halqa avtomobil yoʻli ichida joylashgan barcha koʻchalarda transport vositalarining harakat tezligi soatiga 60 km/soatgacha cheklanishi haqida xulosaga kelgani haqida xabar berilgandi.

Bugun, 10-oktabr kuni Xalq deputatlari Toshkent shahar kengashi harakat tezligini soatiga 60 km/soatgacha cheklash toʻgʻrisida qaror qabul qildi.

Shuningdek, ayrim koʻchalarda transport vositalarining harakat tezligini soatiga 50 km/soatgacha cheklanadi. Bularga Alisher Navoiy, Maxtumquli, Amir Temur, Kichik halqa avtomobil yoʻli, Islom Karimov, Taras Shevchenko, Bobur va Furqat koʻchalarining bir qismi va Amir Temur xiyoboni aylanma yoʻli kiradi.

Qayd etish zarur, bugungi kungacha shaharda ruxsat etilgan tezlik 70 km/soat edi.

Bundan tashqari, kelgusida avtomobil tezligini pasaytirish orqali yoʻl transport hodisalari kamayishiga erishilgan taqdirda poytaxtning barcha koʻchalarida tezlikni pasaytirishi boʻyicha taklif kiritiladi.