Yevropa kengashi raisi Sharl Mishel 28-oktyabr kuni Oʻzbekistonga tashrif buyuradi.

Yevropalik siyosatchi bu toʻgʻrisida oʻzining Twitter sahifasida maʼlum qildi. U 28-oktabr kuni Oʻzbekistonga kelib, prezident Shavkat Mirziyoyev bilan uchrashishni rejalashtirgan.

“YeI Markaziy Osiyo bilan aloqalarni chuqurlashtirishga va mintaqaviy hamkorlikni qoʻllab-quvvatlashga tayyor”, — deb yozadi siyosatchi.

Bundan tashqari, Sharl Mishel Qozogʻiston prezidenti Qosim-Joʻmart Toʻqayevning bilan ham uchrashadi.

Qayd etish kerak, 2021-yilning avgust oyida Shavkat Mirziyoyev va Sharl Mishel Afgʻonistondagi vaziyatni muhokama qilgandi.