Oʻzbekiston prezidenti Shavkat Mirziyoyev 7-oktabr kuni Sankt-Peterburgda oʻtkaziladigan MDH davlat rahbarlarining norasmiy sammitida ishtirok etadi. Bu haqda davlat rahbari matbuot xizmati xabar berdi.

Xabarda aytilishicha, tadbir kun tartibiga muvofiq koʻp tomonlama hamkorlik va mintaqaviy sheriklikning dolzarb masalalarini koʻrib chiqish koʻzda tutilgan.

Eslatib oʻtamiz, avvalroq Oʻzbekiston Respublikasi Prezidentining farmoni bilan mamlakatlarimiz xalqlari oʻrtasidagi anʼanaviy doʻstlik va hamkorlik rishtalarini rivojlantirish hamda tavalludining 70 yillik yubileyi munosabati bilan Rossiya prezidenti Vladimir Putin Oʻzbekiston Respublikasining “Oliy Darajali Doʻstlik” ordeni bilan mukofotlangandi.