Oʻzbekiston futzal terma jamoasi Kuvaytda oʻtayotgan Osiyo Kubogida muvaffaqiyatli yurishini davom ettirmoqda.

Chorakfinal bosqichida Oʻzbekiston mezbon mamlakat jamoasiga qarshi bahs olib bordi. Uchrashuvda Bahodir Ahmedov shogirdlari 3:0 hisobida gʻalaba qozonib, yarimfinal bosqichiga yoʻl oldi. Gollarga Anasxon Rahmatov, Davron Choriyev, Husniddin Nishonov mualliflik qildi.

Terma jamoa endilikda 6-oktyabr kuni yarimfinalda Yaponiyaga qarshi saf tortadi. Uchrashuv Toshkent vaqti bilan 19:00 ga belgilangan.

Ikkinchi yarim finalda Tailand va Eron oʻzaro kuch sinashadi.