Ijtimoiy tarmoqlarda Chirchiq shahridagi kombinatda portlash yuz bergani aytilgan xabar va holat aks etgan videolar tarqaldi. FVV holat yuzasidan birlamchi maʼlumot berdi.

Unga koʻra, 2022-yil 4-oktyabr kuni soat 08:40 larda Chirchiq shahrida joylashgan “MAXAM CHIRCHIQ” AJ korxonasining Sintez sexida chaqnash sodir boʻlganligi toʻgʻrisida Toshkent viloyati Favqulodda vaziyatlar boshqarmasiga xabar kelib tushgan. Voqea joyiga Toshkent viloyati FVB rahbari boshchiligida xodimlari va maxsus texnikalar jalb etilgan.

Hozirda vaziyat oqibatlari bartaraf etilmoqda. Vaziyat nazoratga olingan. Ijtimoiy tarmoqlardagi videolarda portlash kuchidan shahardagi uylar derazalari larzaga kelgani aytildi.