Oʻzbekiston futzal terma jamoasi Kuvaytda oʻtayotgan Osiyo Kubogida muvaffaqiyatli yurishini davom ettirmoqda.


Chempionatning 2-turi doirasida Bahodir Ahmedov shogirdlari Tojikistonni magʻlub etdi — 3:2. Milliy jamoa ilk turda Turkmanistondan (8:0) ustun kelgandi.


Ikki bahsda 6 ochko jamgʻargan vakillarimiz shu tariqa muddatidan avval chorakfinal yoʻllanmasini qoʻlga kiritdi. Guruh bosqichidagi soʻnggi oʻyinda terma jamoa Bahraynga qarshi bahs olib boradi.