Bosh prokuratura huzuridagi Departament tomonidan Fargʻona va Toshkent viloyatlarida tabiiy gazdan noqonuniy foydalanish holatlari aniqlandi.

Qayd etilishicha, Quvasoy shahrida “Q“ MCHJ rahbari Sh.K. tomonidan pishiq gʻisht ishlab chiqarish faoliyati davomida 2,4 mlrd soʻm, Uchkoʻprik tumanida ”A.I.” MCHJni norasmiy boshqarib kelgan A.E. tomonidan 2 mlrd soʻm hamda Boʻstonliq tumanida ohak ishlab chiqaruvchi yashirin sexlar tashkil etgan X.N.tomonidan davlat va jamiyat manfaatlariga 582,4 mln soʻm zarar yetkazilganligi aniqlangan.

Hozirda mazkur holatlar yuzasidan Jinoyat kodeksining 28, 185-2-moddasi (elektr, issiqlik energiyasi, gaz, vodoprovoddan foydalanish qoidalarini buzish) bilan jinoyat ishi qoʻzgʻatilib, tergov harakatlari oʻtkazilmoqda.