O‘zbekiston futbol terma jamoasi JCH—2022 ishtirokchisini ishonchli hisobda mag‘lub etdi

Saqlash
13:09 / 23.09.2022 628 0

Oʻzbekiston milliy terma jamoasi FIFA kunlari doirasida 23-sentabr kuni Kamerunga qarshi oʻrtoqlik oʻyinini oʻtkazdi.

 

Janubiy Koreyada tashkil etilgan bahsda Srechko Katanes shogirdlari 2:0 hisobida gʻalaba qozondi. Milliy terma jamoaning gollariga Hojimat Erkinov va Oston Oʻrunov mualliflik qildi.

 

Qayd etish kerak, Kamerun JCH—2022 yoʻllanmasini qoʻlga kiritgan. Jamoa noyabr-dekabr oylarida Qatarda boʻlib oʻtadigan mundialda qatnashadi.

 

Oʻzbekiston MTJ navbatdagi uchrashuvini Kosta-Rikaga qarshi oʻtkazadi. Kosta-Rika ham JCH—2022 ishtirokchisi hisoblanadi.

 

Oʻrtoqlik oʻyini, 23-sentabr

 

Oʻzbekiston — Kamerun 2:0

 

Gollar: Hojimat Erkinov, 25; Oston Oʻrunov, 76.

Izoh yo‘q

Izoh qoldirish