Xitoyning sobiq adliya vaziri, oʻz vaqtida mamlakatning nufuzli siyosatchilaridan biri boʻlgan Fu Chjenxua oʻlim jazosiga hukm qilindi.

Sud hukmida aytilishicha, u xizmat mavqeyidan foydalanib 16,5 mln dollar atrofida pora olgan, bundan tashqari, bir qator jinoyatlarni sodir etgan ukasini jazodan saqlab qolish uchun dalillarni yoʻq qilgan.

Sud hukmiga koʻra, mahkumga ikki yil muddat beriladi, agar bu muddat davomida oʻzini yaxshi tutsa, oʻlim jazosi umrbod qamoq jazosi bilan almashtiriladi. Bunda qamoq muddati qisqartirilmaydi, afv etilmaydi.

Maʼlumot uchun, Fu Chjenxua 2018—2020 yillarda adliya vaziri lavozimida ishlagan.