Toshkent shahar Uchtepa tumanidagi mahallada “WHITE RESIDENCE” tomonidan qurilayotgan koʻp qavatli bino qurilishi aholi noroziligi sabab vaqtincha toʻxtatildi. Bu haqda Qurilish vazirligi maʼlum qildi.

Qayd etilishicha, holat yuzasidan obyekt joyiga chiqib oʻrganilgan.

WHITE RESIDENCE» MCHJ rahbariyati aholi bilan murosaga kelmagunicha qurilish ishlarini toʻxtatib turilishi belgilangan. Bu boʻyicha qurilish kompaniyasidan kafolat xati olingan.

Koʻp xonadonli turar-joy binosi qurilishi eskiz loyihasi uchun 2022-yil 27-iyunda Toshkent shahar Qurilish bosh boshqarmasi Loyiha-smeta hujjatlarini kelishish boʻyicha Arxitektura va shaharsozlik kengashi ishchi organining xulosasi olingan.

Ishlab chiqilgan loyiha hujjatlariga “Qurilish loyiha ekspertiza sinov” MCHJning 2020-yil 28-dekabrdagi 43−1/22-sonli yigʻma ekspert xulosasi berilgan. Shundan soʻng 2022-yil 25-avgustda Toshkent shahar qurilish sohasida hududiy nazorat inspeksiyasidan qurilish-montaj ishlarini boshlash uchun obyekt roʻyxatdan oʻtkazilgan va inspeksiya tomonidan tizimli nazorat oʻrnatilgan.

Mazkur mahalla vakillarining aytishicha, avvaliga 2 qavatli boʻlishi aytilgan bino keyinchalik 12 qavatli uy ekani maʼlum boʻlgan. Ushbu bino sabab mahalla infratuzilmasiga yoklama ortishi mumkin.