Kecha, 18-sentyabr kuni ijtimoiy tarmoqlarda Namanganda maktab oldidagi ariqdan qon oqayotgani haqida xabar tarqaldi. Viloyat FVB holatga munosabat bildirdi.

Maʼlum qilinishicha, Namangan shahar Ichki ishlar boshqarmasi va Favqulodda vaziyatlar boʻlimi xodimlari tomonidan voqea joyi yaʼni “Yangi Namangan” tumani, “Ishonch” mahalla fuqarolar yigʻini, Gʻazina koʻchasida oʻrganish oʻtkazilgan. Natijada shu koʻchada joylashgan kushxonadan chiqqan chiqindi suv kanalizatsiya tarmogʻidan toshib koʻchadagi ariqqa qoʻyilayotganligi aniqlangan.

Holatni bartaraf etish yuzasidan ishlar tashkillashtirilgan.