Oyina.uz portali o‘zbekning 100 ziyolisidan “HAR BIR INSON HAYOTI DAVOMIDA O‘QISHI SHART BO‘LGAN 10 KITOB” tavsiyasini berishda davom etadi. 

Loyihaning 69-kuni Olot tumani hokimi Nargiza Ne’matova “Har bir inson hayoti davomida o‘qishi shart bo‘lgan 10 kitob” tavsiya qiladi:

1. Alisher Navoiy, “Mahbub ul-qulub” asari;

2. O‘tkir Hoshimov, “Daftar hoshiyasidagi bitiklar” kitobi;

3. Pirimqul Qodirov, “Yulduzli tunlar” romani;

4. Odil Yoqubov, “Ulug‘bek xazinasi” romani;

5. Li Kuan Yu, “Uchinchi dunyodan birinchi dunyoga” kitobi;

6. Yulian Semyonov, “Bahorning o‘n yetti lahzasi” romani;

7. Aleksandr Dyuma, “Graf Monte-Kristo” romani;

8. Breyan Treysi, “Lider shaxsiyati” kitobi;

9. Rashad Nuri Guntekin, “Choliqushi” romani;

10. Zulfiyaxonim she’rlari.

Nargiza Ne’matova 1969-yil 23-aprelda Buxoro viloyati Olot tumanida tug‘ilgan. Toshkent davlat tibbiyot institutini tamomlagan.

U faoliyati davomida Buxoro davlat tibbiyot institutida o‘qituvchi, Olot tuman tibbiyot birlashmasida bosh shifokor, Olot tumani hokimi o‘rinbosari – tuman xotin-qizlar qo‘mitasi raisi lavozimlarida ishlagan.

2020-yildan Buxoro viloyati Olot tumani hokimi lavozimida faoliyat yuritib kelmoqda.

2021-yilda “Sodiq xizmatlari uchun” medali bilan taqdirlangan.