Давлат солиқ қўмитаси 2022 йилнинг январь–июль ойлари давомида 9,2 триллион сўм тўланган ҚҚС суммаси тадбиркорларга қайтарилганини маълум қилди.

Қўшимча қиймат солиғи бўйича салбий фарқ асосан экспорт учун ноль ставкали ҚҚС қўлланилиши ҳисобига қайтарилган — 3,1 триллион сўм.

Шунингдек, ҚҚС суммалари қўйидагилар ҳисобига ҳам қайтарилган:

– Экспортдан ташқари реализация учун ноль ставкали ҚҚС қўлланилиши – 1,9 триллион сўм;

– Ички бозордан харид қилинган товарлар қолдиғи учун – 1,6 триллион сўм;

– Харид қилинган (яратилган) асосий воситалар бўйича ҚҚС ҳисобга олиниши – 1,5 триллион сўм;

– Импорт қилинган товарлар қолдиғи ҳисобига – 1,1 триллион сўм.