«Apple» компанияси 7 сентябрь куни iPhone 14 смартфонлари ва бошқа янги товарлари тақдимотини ўтказишни режалаштирмоқда. Бу ҳақда компания режалари билан таниш манбаларга таяниб, «Bloomberg» хабар берди.

Тақдимот онлайн тарзда ўтказилади. Компания аллақачон видео тақдимотини ёзиш ишларини олиб бормоқда. iPhone 14 ишлаб чиқарилиши 14 сентябрдан бошланади, сотув сентябрь ойи ўрталарига мўлжалланган. Айрим Apple Store ходимларига 16 сентябрдаги тақдимотга тайёргарлик кўриш тавсия қилинган.

«Apple» iPhone 14’нинг тўртта моделини тақдим этади. Оддий версияларида A15 Bionic чипи сақланиб қолади, Pro версияларида эса А16 Bionic, янги экран кесиклари ва 48 мегапиксел камера бўлади. Apple Watch Series 8 иккита версияда чиқарилади. Компания Apple Watch SE’ни ҳам янгилайди.