Тошкентда ерусти метросининг Сергели йўналишида ҳаракатланаётган поезд вагонида қисқа туташув бўлиб, тўхтаб қолгани акс этган видео ижтимоий тармоқларда тарқалганди. Тошкент метрополитени ҳолат юзасидан расмий маълумот берди.

Қайд этилишича, 16 июнь куни соат 20:05 лар атрофида «Ерусти ҳалқа йўли» йўналишининг 6- ва 7-бекатлари оралиғида жойлашган йўл четидаги тўсин тунукасининг бир қисми атрофдаги кучли шамол сабабли ўз ўрнидан кўчиши натижасида ҳаракатланиб келаётган ҳаракат таркибининг ток қабул қилиш мосламасига тегган. Натижада қисқа туташув содир бўлган.

Аниқланишича,  машинист ҳаракат таркибини тўхтатиб, ҳаракатланишга хавф соладиган ҳолатлар йўқлигини текшириб,  ўз ўналишида ҳаракатни давом эттирган. 

Шундан сўнг машинист ҳаракат таркибини тўхтатиб, ҳаракатланишга хавф соладиган ҳолатлар йўқлигини текшириб, ўз ҳаракатини давом эттирган.