Фарғона аеропортидаги ноқулай об-ҳаво (кучли шамол) сабаб Истанбул–Фарғона йўналишида ҳаракатланган HY-278 авиақатнови Наманган аэропортига келиб қўнган. Бу ҳақда Uzbekistan Airways ахборот хизмати маълум қилди.

Об-ҳаво шароити яхшиланганидан сўнг ушбу рейс Фарғона аэропортига тахминан 23:00 да парвозни амалга оширди.

Шунингдек, Фарғона–Тошкент йўналишидаги HY-82 авиақатнови вақти ҳам ўзгарган ва у тахминан 00:30 га кўчирилган.

Келтирилган ноқулайликлар учун авиакомпания йўловчилар ва уларни кутиб олувчилардан узр сўраган.