Маълумки, ҳар йили 27 июнь — Матбуот ва оммавий ахборот воситалари ходимлари куни муносабати билан Президентимиз соҳа вакилларига байрам табриги йўллайди. Шунингдек, Президентимиз Фармони билан бир гуруҳ соҳа вакиллари давлат мукофотлари билан ҳам тақдирланмоқда.



Журналистлар ижодий уюшмаси раиси Олимжон Ўсаровнинг маълум қилишича, эндиликда «Йилнинг энг фаол журналисти» танлови бундан буён ҳар йили декабрь ойида ўтказилиши белгиланган.



Бошқа соҳаларда (санъат, спорт, кино ва ҳ.к.) бўлгани каби йил давомида самарали фаолият юритган журналистлар ҳам йил якунида аниқланади, «Йилнинг энг фаол журналисти» мақомига эга бўлишади.



Хабарга кўра, ижодий ишлар жорий йилнинг 1 декабридан 15 декабрига қадар Ўзбекистон Журналистлари ижодий уюшмасида қабул қилинади.