Бугун Республика Маънавият ва маърифат марказида Ижтимоий-маънавий тадқиқотлар институти томонидан “Маънавий-маърифий ишлар самарадорлигини ошириш ва тарғиботнинг замонавий технологиялари” мавзусида республика илмий-амалий конференцияси ўтказилди.

Анжуман Ўзбекистонда маънавий-маърифий ишларни янги босқичга кўтариш каби қатор долзарб йўналишлардаги илмий муаммолар таҳлилига бағишланди.

Республика илмий-амалий конференциясига 300 дан ортиқ мақолалар келиб тушган. Уларнинг орасидан 136 та энг мазмунли ва таҳлилий ёзилганлари сараланиб, алоҳида тўплам ҳолида нашр этилди.

Фаол қатнашган иштирокчилар орасидан “Энг яхши мазмунли мақола”, “Энг яхши таҳлилий мақола”, “Энг долзарб мавзудаги мақола” номинациялари бўйича ғолиблар аниқланиб, сертификат ва 500 минг сўм миқдорда мукофот билан тақдирланди.