Халқаро болаларни ҳимоя қилиш куни муносабати билан Навоий вилоят Маънавият ва маърифат бўлими томонидан шаҳардаги ижтимоий кўмакка муҳтож оила фарзандлари ҳамда 16-сонли махсус мактабгача таълим муассасасида тарбияланаётган болалар ҳолидан хабар олинди.

“Болаларга меҳр улашиб” лойиҳаси доирасида тарқатилган байрам совғалари жажжи кўнгилларга бир олам қувонч бахш этди.

Шунингдек, ўсиб келаётган ёш авлодни ҳар томонлама етук, жисмонан баркамол, руҳан соғлом қилиб вояга етказиб келаётганлиги учун муассаса мудираси Элмира Курмаева ва тарбиячиларга алоҳида миннатдорчилик билдирилиб,  ташаккурнома ҳамда китоблар жамланмаси тақдим этилди.