Йўл ҳаракати хавфсизлиги тизими такомиллаштирилиши муносабати билан Жиноят кодекси, Жиноят-процессуал кодекси ва Маъмурий жавобгарлик тўғрисидаги кодексга ўзгартиш ва қўшимчалар киритиш ҳақидаги қонун лойиҳаси биринчи ўқишда кўриб чиқилиши керак эди.

Аммо кеча, 30 май куни Олий Мажлис Қонунчилик палатасидаги Ўзбекистон ХДП фракциясининг йиғилишида бу қонун лойиҳаси кун тартибидан чиқариб ташланган.

Муҳокама жараёни бошланишидан аввал фракция аъзоси қонун лойиҳасининг қатор моддаларида жарималар миқдорини ошириш, ижтимоий хавфи катта бўлмаган ҳуқуқбузарликлар учун жавобгарлик чораларини кучайтириш назарда тутилаётгани, аммо бунинг сабаблари асосли очиб берилмаганини таъкидлаб, шунингдек, бошқа омилларни келтириб, қонун лойиҳасини кун тартибидан чиқариб ташлашни таклиф қилган.