Бугун Алишер Навоий номидаги миллий кутубхонанинг орқа майдонида "Tashkent Flower Fest" гуллар фестивали бошланди. Oyina.uz мухбири мазкур ҳудудда бўлиб, бетакрор манзараларни суратга муҳрлади.

Майдонни безаш учун 1 миллиондан ошиқ табиий ҳамда ўн мингга яқин сунъий гуллардан фойдаланилган.

Бу ерда япон сакураси, Мадагаскар баобоби ҳамда ўзбек чинорининг сунъий нусхалари, шунингдек “Янги Ўзбекистон” боғида қад кўтарган стела шаклидаги минора ҳам ўрнатилган.

Ҳудудда болалар учун кўнгилочар масканлар, фудкортлар, кўплаб фото ва селфи учун майдончалар ташкил этилган.

Бундан ташқари, хонадон ва ландшафт ўсимликлари, дала-ҳовли мебель жиҳозларининг кўргазмаси бўлиб ўтмоқда.

Фестивал 8 майга қадар давом этади.