Ўзбекистон мусулмонлар идораси Самарқанд вилояти вакиллиги ахборот хизматининг хабар беришича, самарқандлик хаттот Абдужалил Эргашев 60х80 ҳажмдаги катта Қуръон китобини кўчириб тугатган.

Хаттот уч йил давомида Қуръон китобини 310 варақ, 620 саҳифага араб куфий хатида ёзишга муваффақ бўлган.

Қайд этилишича, катта ҳажмдаги Қуръон китоби қўлбола усулда тайёрланган Самарқанд қоғозига битилган. Ушбу қоғозлар узоқ йиллар ўз сифатини йўқотмасдан туриши ҳамда нам тортмаслиги ва ивимаслиги билан шуҳрат қозонган.